Сабада яңа елның беренче сабые дөньяга килде

   Район үзәк хастаханәсенең балалар тудыру бүлегеннән 2026  елның тәүге сабые туу турындагы шатлыклы хәбәр килеп иреште. Бәби кичә 4 гыйнвар көнне дөньяга килгән.

  Бәхетле әни белән әти Шәмәрдән авылыннан Алисә һәм Айнур Әхәтовлар. Кыз баланың авырлыгы 3 кило 400 грамм, буе – 57 сантиметр. Әхәтовлар гаиләсендә тагын 3 бала – 9 яшьлек малай (Самат), 7 һәм 12 яшьлек  ике кыз (Мәдинә һәм Самира) үсеп килә. Табиблар сүзләренчә, баланың да, әнисенең дә хәле яхшы дип бәяләнә.

Бәхетле гаиләне тагын бер кызлары тууы белән котлыйбыз! Игелекле, тәүфыйклы , сау-сәламәт булып үсүен телибез!

Фото ИИ