Сабада “Тату сыйныф серләре” бәйгесенең район этабы үтте

  Саба урта мәктәбе базасында Республикакүләм әти-әниләр комитеты “Тату сыйныф серләре” бәйгесенең район этабы үтте. Конкурс нигезләмәсе буенча Иштуган урта мәктәбе, Явлаштау урта мәктәбе, Саба гимназиясе һәм Саба урта мәктәбе әти-әниләре комитетлары жюри игътибарына визит карточкасы, “Хәтер һәм батырлык” дигән иҗади номер тәкъдим иттеләр. Шулай ук сорау-җавап өлешендә кызыклы сорауларга җаваплар уйлап табып, үзләренең тапкырлыкларын күрсәттеләр.  
  Нәтиҗәләргә килгәндә, Саба гимназиясе, Иштуган урта мәктәбе, Явлаштау урта мәктәпләре әти-әниләр комитетлары  бәйгедә актив катнашкан өчен район мәгариф идарәсенең кубок һәм диплом белән бүләкләнделәр. 
Конкурсның җиңүчеләре - Саба урта мәктәбенең әтиләр комитетына шулай ук кубок, диплом һәм  мәктәп кирәк-яраклары алу өчен сертификат тапшырылды.