Сабалыларга ВИЧ яныймы?

  1 декабрьдә  Бөтендөньяда СПИДка каршы көрәш көне билгеләп  үтелде.  Саба  районында  1 декабрьгә   ВИЧ инфекциянең  36 очрагы билгеле. Ике  кешегә күңелсез  диагноз быел  куелган. Учетта 26 авыру тора. Үзеңдә иммун җитешсезлеге вирусы бармы-юкмы икәнлеген ачыклау өчен анализга кан бирергә кирәк. “ВИЧны  ачыклау өчен тест узарга канны Саба үзәк  һәм Шәмәрдән участок хастаханәләре процедура кабинетларында бирергә, ФАП фельшерларына мөрәҗәгать итәргә була”,–ди районның табиб-эпидемиологы Резеда Фәттахова.