Шәмәрдәндә яшәүче Флера Тимурханованы 90 яшьлек юбилее белән котладылар

 Флера Гәбтри кызы 1935 елның 5 ноябрендә Олы Арташ авылында күп балалы гаиләдә иң беренчесе булып дөньяга аваз сала. Шул ук авыл мәктәбендә 4 класс белем ала. Мәктәпне тәмамлагач, колхозда төрле эшләрдә хезмәт куя.                                                         

  1954 елны авылдашы  Зиятдинов Тимерханга кияүгә чыга. Шул көннән башлап, шул авылда  гомер итә. Тормыш иптәше Тимерхан белән 4 бала тәрбияләп үстерәләр. Озак еллар совхозда сыер савучы булып эшли. Соңыннан  мәктәптә техник хезмәткәр булып эшләп лаеклы яга чыга. Бүгенге көндә  4 - бала,  9 - онык, 19 - оныкчыгы бар . Хәзерге  вакытта  балалары тәрбиясендә яши.