“Теләкләр чыршысы” дигән могҗиза Әмирне батутлы итте

Татарстан Республикасы сәнәгать һәм  сәүдә министры  Олег Коробченко “Теләкләр  чыршысы” хәйрия проектында  катнашты. Ул чыршыдан теләкләр  язылган открыткалар   алып,  дүрт баланың хыялын тормышка  ашырды. Шуларның икесе – Саба районыннан. Иске Икшермәдән 5  яшьлек Әмир батут  турында хыялланган  булган. Хәзер ул рәхәтләнеп  батутта сикерә алачак. Унбер  яшьлек Иделия исә Кыш бабайдан гитара сораган  булган. Кызның әлеге  музыка коралында уйнарга өйрәнү теләге чынга ашачак.