Авыл җирлекләрендә техник карау чарасы узачак көннәр билгеле булды

  Моның өчен әлеге төр техниканың төзек хәлдә булуы мөһим. Шунлыктан аларга елга бер мәртәбә мәҗбүри техник карау чарасы уздырыла. Ул РФ Хөкүмәте Карары (13.11.2013, №1013)  белән расланган ка­­гыйдәләрнең 5нче статьясы «б» пункты белән беркетелгән. Техник карау авыл жирлекләрендә югары органнар тарафыннан расланган график нигезендә түбәндә күрсәтелгән көн­нәр­дә 06-17 сәгатьләрдә үт­кәреләчәк: Иске Икшермә, Арташ, Олы Кибәче – 14 май, Олы Шыңар, Югары Симет, Килдебәк, Юлбат, Түбән Шытсу – 16 май,   Иштуган, Мишә – 19 май,  Явлаштау,  Шекше, Курсабаш, Эзмә – 20 май, Мичән, Тимершык, Сатыш – 21 май,  Олы Нырты, Шәмәрдән –22  май. Урыннары – авылларда алдагы еллардагы кулланылган мәйданнар. Саба шәһәр жир­ле­ген­дәге шәхси затларга бүлекнең  кабул итү көннәрендә мө­рә­җәгать итү сорала. Карау үткәрү урыннары – авылларда алдагы еллардагы кулланылган мәйданнар. Быел тикшерү вакыты шәхси затлар соравы буенча ике айга алгарак  күчерелде.

  Техниканың төзеклеге бе­ренче чиратта аны эксплу­ата­цияләүченең үзенә кирәк. Хәзерге вакытта шәхси куллардагы техниканың  күп­челеге 15-20 ел һәм аннан да күбрәк еллар кулланышта. Шуны исәпкә алсаң, аларның бүгенге интенсив хәрәкәтендә төзеклек мәсь­әләсе аеруча мөһим. Тех­ни­каның  тормозы тотмый, руль идарәсе аксый икән,  аны кулланмау хуҗасына да һәм тирә-юньдәгеләргә дә иминрәк булачак. Техник карауны үтү өчен шәхси затлар  түбәндәге документларны әзерләп күр­сәтергә тиеш: техника бе­лән идарә итүченең моңа хокук биргән документы; тер­кәлү таныклыгы. Бу документлар булмаганда, шулай ук техниканың номер мәгълүматлары таныклыктагылар белән чагышмаганда, чара уздырылмый. Болардан тыш,  медицина аптечкасы, һәлакәт вакытында куелырга тиешле ике билге, янгын сүндерү жайланмасы булу мәҗбүри. Тракторның алдында яки артында киң габаритлы техник агрегатлары тагылганда, аның түбәсенә сары төстәге ут җайланмасы (мигалка) кую кирәк. “КУН” җайланмасы куелган тракторларда, әлеге җайланманың терсәкләрендә «под стрелой не стоять» дигән, тагылма арбаларның ян бортларында «перевозка людей запрещена» язуының, тагылма арбада туктап төзәтү эшләре башкарганда, аның кузгалмавын тәэмин итүче башмакларның булуы мәҗбүри.

  Болардан тыш, техниканы эксплуатацияләүче кешенең үз янында уткайтаргыч сызыклы киеме (жилеты) булырга тиеш. Югарыда күрсәтелгән шартлар үтәлсә, трактор һәм үзйөрешле башка маши­наларга техник карау узганлыкка таныклык бирелә. Үтәлмәсә,  акт төзелә һәм кабат узасы була. Таныклыксыз эксплуатацияләү  рөхсәт ителми. Кагыйдә бозу  очрагында административ хокук бозулар турындагы РФ Кодексының 9.3нчы  статьясы нигезендә беркетмә төзелә. Хокук бозучы штрафка тартылырга яки 6 айга барлык төр техника белән идарә итү хокукыннан мәхрүм ителергә мөмкин.  Агымдагы елда техник карау уздыруга тарифлар үзгәрмәде.

 Ильяс Ибраһимов,

дәүләт техник күзәтчелеге идарәсенең   район бүлеге җитәкчесе.