Әти-әниләр БДИ тапшырды

Илмира Галимуллина, 7 апрель 2022 - 15:48

952

Әлеге чара Саба гимназиясендә “Ата-аналар тарафыннан БДИ тапшыру бердәм көне” кысаларында үтте

Чыгарылыш имтиханы һәр укучыдан ныклы белем таләп итә. Әмма БДИ тапшыру өчен балага белем генә җитми, аңа психологик яктан әзерлекле булу да кирәк. Әлеге акция әти-әниләргә имтихан тапшыру кагыйдәләре һәм процедурасы белән алдан танышырга мөмкинлек бирә. Имтихан алдыннан нәкъ балалары кебек үк әти-әниләр теркәлделәр, шәхси әйберләрен, телефоннарын тапшырдылар, тимер эзләгеч аша үттеләр. Саба районының БДИ үткәрү буенча 45-01 пункты җитәкчесе Зөлфәт Гыйбадуллин әти-әниләргә имтихан бирү тәртипләрен, сынау барышында ничек контроль алып барылуын аңлатты, ә оештыручылар документларны дөрес итеп тутыру тәртибен аңлаттылар. Барлык биремнәрне башкаруга 1 сәгать вакыт бирелде. Математика фәненнән үткән сынау имтиханында ул көнне 15 ата-ана катнашты.