Тимершык мәчетендә ремонт эшләре төгәлләнде

  Кайсы гына авылга барып чыкма, иң беренче ярымайлы мәчет манарасы күзгә ташлана. Халыкны дингә, иманга өндәп торучы бу изге йорт һәрвакыт күз уңында. Авыл халкы аның һәрчак чиста, якты, төзек булуын кайгыртып яши. Иганәчеләр дә саваплы эштән читтә калмыйлар.Бу көннәрдә халык ярдәме белән Тимершык авылы мәчетендә дә ремонт эшләре башкарылды. Манара тәрәзәләре пластик тәрәзәләргә алыштырылды. Нурлы мәчеттән яңгыраган моңлы азан халыкны әле озын-озак еллар иманга дәшеп торсын.