Тимершык урта мәктәбендә урман үстерү буенча ачык дәрес

Тимершык урта мәктәбендә биология укытучылары һәм Саба районының мәктәп урманчылыклары җитәкчеләре өчен кызыклы чара — ачык дәрес-практик дәрес узды.

Чараны Казан дәүләт аграр университетының урман хуҗалыгы һәм экология факультетының урманчылык һәм урман культуралары кафедрасы укытучысы, профессор Харис Мусин 3 курс студентлары К.  Шәкүров һәм Н. Нотфуллин белән бергә үткәрде. Экспертлар орлыклар әзерләү, аларны кышкы саклау, агач-куак һәм декоратив токымнарны көзге чәчү буенча кыйммәтле гамәли белемнәре белән уртаклаштылар.

Катнашучылар үз күзләре белән җимешләрдән һәм күркәләрдән орлык алу процессын күрделәр, көзен орлыкларны саклау һәм утыртуның дөрес методикаларын өйрәнделәр. Чара катнашучылар арасында зур кызыксыну уятты, күп кенә педагоглар активлык күрсәтте, сораулар бирде һәм фикер алышты.

Дәрес йомгаклары буенча Тимершык урманчылыгы каршындагы декоратив үсемлекләр питомнигы яңа утырту материаллары белән баетылды, аларны мәктәп территориясендә үк утырттылар.