“Тургай”га – мультимедиа җиһазлары

“Тургай”га –  мультимедиа җиһазлары

МТС компаниясе һәм «Альпари» хәйрия фонды Татарстан Республикасының социаль учреждениеләренә цифрлы һәм мультимедиа җиһазлары тапшырды.  Ярдәм балалар һәм яшүсмерләр укый һәм яши торган дүрт оешмага күрсәтелде.  Алар  арасында Татар Икшермәсендәге  «Тургай»  балалар һәм яшүсмерләр өчен социаль приюты да бар. Җиһазлар уку сыйныфларын һәм компьютер кабинетларын җиһазлау өчен кулланылачак.

Җиһазлар «Альпари» фондының социаль проекты кысаларында сатып алынды. МТС әлеге максатка «Яратам Татарстан» («Люблю Татарстан») региональ тарифын сатудан кергән средстволарның бер өлешен юнәлтте. Проектның максаты — интернатлар һәм приютлар тәрбияләнүчеләренә заманча технологияләргә керү мөмкинлеге бирү, цифрлы күнекмәләрне үстерү, укуга һәм киләчәк һөнәр сайлауга яхшырак әзерләү.

Татарстандагы МТС директоры Марат Кабанов билгеләп үткәнчә, бүгенге көндә цифрлы инструментларга керү мөмкинлеге уку өчен генә түгел, ә тигез мөмкинлекләр формалаштыру һәм мөстәкыйльлек тәрбияләү өчен дә әһәмиятле. Аның сүзләренчә, компания ил күләмендә социаль һәм хәйрия проектларында актив катнаша һәм цифрлы белем бирүне өстенлекле юнәлешләрнең берсе итеп карый.