Хат ташучылар бәйгесе үткәрелә

автор, 25 октябрь 2024 - 10:15

1247

“Саба таңнары” газетасы редакциясе хат ташучылар арасында 2025 елның беренче яртыеллыгына иң күп абунә рәсмиләштерүчегә бәйге игълан итә.

Җиңүчеләрне ачыклаганда район газетасына язылучыларның 2024 елның беренче яртыеллыгы белән чагыштырганда күбрәк булуы, торак пункттагы һәр йөз кешегә күпме матбугат туры килүе дә исәпкә алыначак. “Саба таңнары”на иң күп кешене яздыручы биш хат ташучыга бер мең сумлык сертификатлар тапшырылачак.