Ялгышасың, дустым, ялгышасың...

ХАФА

Үзеңне син  гадел, дип  

            саныйсың,

Ялгышасың, дустым, ялгышасың,

Кайчан үз сүзеңдә

            торганың бар?

Башкалар әйткәнгә  авышасың...

 Бөтен кеше дә алдаша,

            дисең,

 Алдашасың, дустым,

            алдашасың,

 Кыза-кыза, кулың

            болгый-болгый

 Үзеңне алдарга маташасың...

ТӨПЛЕ  ФИКЕР

Урманда агач төпләре адым саен,

Яшьлегендә кайсы булган

            бөдрә каен,

Зифа нарат, мәгърур имән

            булган кайсы,

Уртак язмышка каулаган

            вакыт-кайчы...

Башта бер уй чәбәләнә, үзәк өзеп:

"Безнең шәп чакларыбыз да

            артта калды,

Пенсионер сүзендәге тәүге иҗек,

Нечкәлек билгесен

            әллә югалтканмы?..."

     Рөстәм Зарипов.