Көз килде туган ягыма, түшәлде сары келәм...

Көз килде туган ягыма

Түшәлде сары келәм.

Ява яфрак яңгырлары

Серләшеп  берәм-берәм.

Бар җиһанны урап алды

Бик тә матур сары төс.

Муллык, байлык билгесе ул

Һәм серле дә алтын көз.

Кошлар китте җылы якка

Моңсу җырларын сузып.

Яз җиткәч кире кайтырлар

Ерак җирләрне узып.

Көз урман өсләренә дә

Сары төс сибеп үткән.

Тәлгәш-тәлгәш миләш кенә

Кызылдан калган икән.

Табигатьнең сихри чоры,

Җиһанда көз фасылы.

Көзләрдән соң кышлар килер,

Шул –яшәүнең асылы. 

Фәридә Вилданова.