Тукай телле халык без!

Яратабыз һәрберебез,

Зурлыйбыз туган телне.

Күңелгә һәм җанга якын,

Чөнки ул Тукай теле.

Туган телем, дип әйтүгә,

Күзаллыйбыз Тукайны.

Татар теле - иң матур тел

Без бай халык, Тукайлы.

Әй син, татар,

                            ишетәмсең?

 Телең белән горурлан!

Телебезне, динебезне

Сакларга булыш, Ходам!

Безнең халык үҗәт бит ул

Онытмас туган телен;

Буыннан-буынга илтеп

Җиткерик Тукай телен!

Татар булып туганбыз,

Татар булып калыйк без,

Газиз ана телебезне

 Җаныбыздай саклыйк без!

Миннегөл Манихова.