10 май көнне Шәмәрдән авылында Бөек Җиңүнең 81 еллыгына багышланган җиңел атлетика кроссы оештырылды

10 май көнне Шәмәрдән авылында Бөек Җиңүнең 81 еллыгына багышланган җиңел атлетика кроссы булып узды. Шуның белән быелгы йөгерү сезонына старт бирелде.

Ярышларны ачу тантанасын район Башкарма комитеты җитәкчесе урынбасары Ирек Гарипов башлап җибәрде.

"Мин ел саен Бөек Җиңү бәйрәме уңаеннан җиңел атлетика кроссы уздыруыбызны чын казаныш дип саныйм. Бу вакыйга белән, геройларны искә алып кына калмыйбыз, сәламәт яшәү рәвешен дә саклыйбыз, кешеләрне мөһим традицияләр һәм спорт тирәсендә берләштерәбез», - диде Ирек Рамазан улы.

Шәмәрдән авыл җирлеге башлыгы Альберт Вәлиев котлавы катнашучыларны дистанцияне ышанычлы үтәргә һәм яхшы нәтиҗәләргә ирешергә көч өстәде.

Бүләкләү тантанасын «Яшьлек» яшьләр үзәге директоры Делюс Закиров үткәрде. Һәр категориядә җиңүчеләр акчалата призлар һәм грамоталар белән бүләкләнделәр.

Мәктәпкәчә яшьтә булган һәр катнашучыга шулай ук истәлекле бүләкләр дә өләшенде.

Барлык катнашучыларны да яхшы нәтиҗәләр белән котлыйбыз һәм яңа спорт казанышлары телибез!