Теләченең җыелма командасы көрәш буенча республика ярышларында беренче урынны яулады

Түбән Кама шәһәрендә татарча көрәш буенча XXVI республика беренчелегендә Теләченең җыелма командасы беренче урынны яулады.

Ярышлар республиканың атказанган спорт остасы, татар халкының данлыклы көрәшчесе Данил Галиев истәлегенә  багышланды. Бай һәм зур тарихы булган әлеге мәтәбәле бәйгедә барлыгы 43 команда, 342 көрәшче катнашты.

 Әлмәт белән Мамадыш районнары командалары икенче һәм өченче урыннарны  бүлеште.

Шәхси беренчелектә исә 70 китлограммга кадәр үлчәү авырлыгында бил алышкан Динар Кәримуллин - беренче, 75 килограммга кадәр үлчәү авырлыгында көрәшкән Артур Зөлкәрнәев - беренче, 85 килограммга кадәр үлчәү авырлыгында көч сынашкан Ренас Кәлимуллин - өченче, 130 килограммга кадәр үлчәү авырлыгында көрәшкән Муса Галләмов - беренче урынны яулады.

Фото: tulachi.ru

http://tulachi.ru/