Казанда узган чемпионатта һәм спартакиадада райондашларыбыз уңышы

  Казанда терәк-хәрәкәт аппараты зарарланган инвалидлар  арасында бочча буенча республика  чемпионаты   узды. Ярышта районыбыз егетләре  уңышлы чыгыш ясады. Сабадан Фаил Мөхәмәтдинов һәм Олы Ныртыдан Илмир Әхмәтов  үз төркемнәрендә 2нче  урыннарны  алдылар.

  Июнь башында Казанда  пен­сио­нер­ларның XV республика   спартакиадасы  үткәрелде.  “Өченче буын” исемле әлеге  ярыш  үз эченә 7 төрне ала һәм  анда һәр командадан 5 ир, 5 хатын-кыз катнаша. Үткән елларда районыбыз  спортчы пенсионерлары пьедесталның  иң югары баскычында торса, быел  андый биеклеккә ирешеп булмады. Әгерҗе, Биектау Минзәлә, Баулы командаларыннан калышып, 5нче  урын белән канәгатьләнергә туры   килде.  Шулай  да 30  спортчы  арасында бу – әйбәт  күрсәткеч. Аерым  алганда,  дартста Сабадан Светлана  Кириллова 2нче  урынга  чыкты. Урта Сабадан Азат Дәүләтшинның һәм Шәмәрдәннән Хания Галимуллинаның 1000 метрга   йөгерүдә 4нче урыннары да мактауга  лаек.

Рәшит Кәримов.