Сатыш авыл җирлегендә Дәүләт Думасына сайлаулар: кайсы участокларда активлык югары?

Саба районының Сатыш авыл җирлегендә Россия Федерациясе Федераль җыены IX чакырылыш Дәүләт Думасы депутатларын сайлау өч көнлек циклының беренче этабы оешкан төстә бара. Бу хакта җирлек башлыгы Фаил Шәфигуллин хәбәр итте. Хәзерге вакытка кадәр җирлектә эшләүче барлык өч сайлау участогында да тавыш бирү процессы закон нигезендә, бозуларсыз дәвам итә.

Җирлек территориясендә түбәндәге участок комиссияләре эшли:

1. №2487 сайлау участогы (Сатыш авылы) Участок үз канаты астына Сатыш һәм Чәбки-Саба авыллары халкын ала. Биредә сайлаучылар саны — 499 кеше. Тавыш бирүнең беренче көнендә үк гражданлык бурычын 281 кеше үтәгән. Сайлауга килү күрсәткече 56,31% тәшкил итә, бу районда иң югары активлыкны күрсәтүчеләрнең берсе.

2. Аккул-Бигәнәй сайлау участогы Әлеге участок Аккул-Бигәнәй һәм Казанчы-Бигәнәй авылларында яшәүчеләрне берләштерә. Участокта теркәлгән сайлаучылар саны — 238 кеше. Бүгенгә биредә 134 кеше тавыш биргән, бу гомуми саннан 56,3% тәшкил итә. Авыл халкының бердәмлеге һәм югары гражданлык җаваплылыгы күзәтелә.

3. №2462 сайлау участогы (Мамалай авылы) Бу участок Мамайлы авылы халкына хезмәт күрсәтә. Биредә барлыгы 154 сайлаучы исәпләнә. Тавыш бирүнең беренче нәтиҗәләренә караганда, бүген участокка 66 кеше килгән. Сайлауга килү проценты 42,85% дәрәҗәсендә.

«Безнең җирлектә сайлау кампаниясе тыныч шартларда уза. Сайлаучыларның күпчелеге үз тавышын инде беренче көндә үк бирергә өлгерде. Бу — республикабыз һәм илебезнең киләчәктә тотрыклы үсеше өчен зур әһәмияткә ия булган мөһим сәяси вакыйга», — дип ассызыклады Фаил Шәфигуллин.