Бәрәңге һәм ит белән тутырылган борыч

4 кешегә: төрле төстәге 4 баллы борыч, 1 л томат согы.

Эчлек: 3-4 бәрәңге, 250 г фарш, 1 әр суган һәм йомырка, 2 тырнак сарымсак, тоз, борыч, петрушка.

Кыздыру өчен үсемлек мае.

Бәрәңгене тозлы суда пешерергә һәм суын агызып изәргә.
Фаршны үсемлек маенда кыздырырга.
Суган һәм сарымсакны вак итеп турап, ит янына салырга. Тоз, борыч сибәргә һәм уттан алырга.
Юылган петрушканы вак итеп турарга. Боламыкка петрушка, йомырка салып болгатырга һәм итне кушарга.
Юылган борычны урталай кисеп, эчен алырга, эчлек тутырыга һәм майланган табага тезәргә.
Борычларның 2/3е күмелерлек итеп томат согы өстәргә һәм 180 градускача җылытылган духовкада 50 минут пешерергә.

https://vk.com/tatarshlari