Саба таңнары

ТУХУМ-БАРАК - ҮЗБӘК ПИЛМӘНЕ

Йомыркалы үзбәк пилмәне - Үзбәкстанга сәяхәтем вакытында иң яратып ашаган ризыгым булды. "Татар хатыннарына моны пешерү берни тормый инде", - дип уйлап куйдым. Туклыклы, тәмле. Камырын басу шактый вакытны алса соң - әллә без камыр күрмәгән кешеме?

Тухум-барак өчен 5 стакан сөт, 1,8 кило он, 23 тавык йомыркасы, 300 грамм атланмай, тоз, борыч кирәк булыр. Бу зур гаиләгә исәпләнгән күләм.

3 йомырка, 3 стакан сөт, 1 чәй кашыгы тоз белән камыр басабыз. 1,7-1,8 кило он кирәк булыр. Камыр уңсын өчен, аны 10 минутлап басарга кирәк, кимрәк вакыт сарыф итсәгез, камыр тиешенчә сыгылмалы булмас. Басып бетергәч, камырга тастымал ябып, 20 минутка калдырабыз.

Шуннан соң камырны 4кә бүләбез. Һәм яңадан баса башлыйбыз. Камыр тыгыз булырга тиеш. Һәр өлешне басуга 3-5 минут вакыт сарыф итегез. Шуннан соң һәр өлешне тастымал белән каплап, тагын 20 минутка калдырыгыз.

Аннары камырны тагын бераз басып алырга кирәк.

Инде эчлеген әзерләсәк була. 20 йомырканы ватабыз. 2 стакан сөт, тоз, 200 грамм эретелгән атланмай салабыз. Бераз борыч та өстәсәгез була. Яхшылап туглыйбыз. 

Шул арада кайнарга су куегыз, суны тозлагыз. 

Камырның бер өлешен җәябез һәм аннан турыпочмаклар кисәбез. 

Турыпочмакның яртысына бераз он сибәбез һәм, бер ягын ябып, конверт шикелле итеп ясыйбыз. Әгәр он сипмәсәгез, конвертыгыз эчтән ябешәчәк. 

Бармакны сулап, конверт кырыйларын кысабыз. Бер ягы ачык кала. Шулай итеп берничә конверт ясыйбыз.

Хәзер инде эчлекне тутыра башлыйк. Бер конвертны алабыз да, эченә бераз һава керсен өчен, өрәбез. Һәм чәй кашыгы белән йомыркалы эчлекне тутырабыз, конвертны ябып бетерәбез дә, шалт - кайнап торган суга салабыз. Шулай итеп тагын 5ләп пилмән ясап салабыз. Пилмән 2 минут пешә, суда болгатырга кирәкми, пешүгә ул өскә калка бара.

Тишекле чүмеч белән җыеп алып, савытка салырга, өстенә атланмай сибәргә һәм ашарга гына кала. Тәмле булсын!
Фото: Илнар Төхбәтов

http://intertat.tatar

Нравится
Поделиться:
Реклама
Комментарии (0)
  • 21 апрель 2018 - 14:57
    Астанада яңадан кыш җиткән
  • 20 апрель 2018 - 11:44
    Татар халкы каян килеп чыккан?
  • 24 апрель 2018 - 10:31
    Кайчан җылытачак? Яз җитте дип сөенергә дә өлгермәдек, апрель ахырында, буранлап-буранлап, кар яварга тотынды. Шкафка алып куйган җылы киемнәрне кабат чыгарырга туры килде хәтта. Татарстан ЮХИДИ идарәсе исә машина йөртүчеләргә кышкы тәгәрмәчне җәйгесенә алмаштырырга ашыкмаска киңәш итә. Язны тагын күпме көтәсе? Синоптиклар әлеге сорауга җавап бирергә ашыкмый.
    500
    1
    0
  • 23 апрель 2018 - 10:13
    Фирдүс Тямаев: "Йөрәгем шатлыктан елый!.." 21 апрель көнне Фирдүс Тямаев концертында көтелмәгән хәл булган
    493
    0
    1
  • 24 апрель 2018 - 14:47
    Тарихи бина сүтелгәндә Саба үзәгендә башта “Росгосстрах” иминият компаниясе филиалы, Саба агентлыгы хезмәткәрләре, аннары орлыкчылык инспекциясе, шулай җәза үтәтү инспекторлары эшләгән тарихи бина сүтелә.
    489
    1
    1
  • 23 апрель 2018 - 16:35
    Кытайда әти-әниләре үлеп 4 ел үткәч, бала туган Сабыйны картәти-картәниләре үстерәчәк. Кытайның көнчыгышындагы Исин шәһәреннән яшь пар Шэнь Цзе һәм Лю Си 2013 елда автомобиль һәлакәтендә үләләр.
    456
    0
    0
  • 24 апрель 2018 - 17:57
    Татарстанда балалар боз өстендә агып киткән Балаларга ярдәмгә Чаллы коткаручылары килгән.
    432
    0
    1
  • 24 апрель 2018 - 16:45
    Иртәгә безне нинди һава торышы көтә? Төнлә минималь температура -1 дән - 6 градуска кадәр , көндез +4 тән +9 градуска кадәр булыр дип көтелә.
    395
    0
    1
  • 23 апрель 2018 - 14:20
    Бюджет өлкәсендә эшләүчеләрнең хезмәт хакы арта 1 майдан минималь хезмәт хакы 11 мең 163 сумны тәшкил итәчәк.
    384
    0
    0
  • 23 апрель 2018 - 08:40
    Камал артисты Эмиль Талипов өйләнә? 21 апрель көнне узган ТМТВ премияләре тапшыру тантанасына кунак итеп Камал театры актеры Эмиль Талипов та килгән иде. Үзе генә түгел…
    364
    0
    0
Ночной режим