13 октябрь көнне һава температурасы 15-17 градусны тәшкил итәчәк

13-нче октябрьдә Казанда аязучан болытлы һава фаразлана. Бүген төнлә бераз яңгыр явачак, көндез явым-төшемсез булачак. Көньяк-көнбатыштан талгын җил. Төнлә 7-9 градус җылы, көндез - 15-17 градус җылы булуы көтелә.

Тулаем республика буенча шулай ук аязучан болытлы һава торышы фаразлана. Төнлә һәм иртән урыны белән бераз яңгыр явачак, көндез явым-төшемсез булачак. Көньяктан, көньяк-көнбатыштан талгын җил. Төнге сәгатьләрдә һава температурасы +4...+9 градус, көндез +13...+18 градус, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Фото: Денис Гордийко

Чыганак: kzn.ru