Татарстан синоптиклары көчле җил турында кисәтә
Республика территориясендә төнлә урыны белән кыска вакытлы яңгырлар явачак. Бу хакта тулырак: https://tatar-inform.tatar/news/2019/08/25/192207/
Иртәгә, 26 августта, төнлә һәм иртән Татарстан территориясендә, шул исәптән Казанда, урыны белән төньяк-көнбатыштан көчле җил көтелә. Җилнең тизлеге секундына 15-16 метрга кадәр җитәргә мөмкин. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.
Төнлә кайбер урыннарда, барыннан да элек, республиканың төньяк-көнбатышында, бераз яңгырлар булырга мөмкин. Көндез явым-төшем көтелми. Төнлә термометр баганалары +7 градуска кадәр төшәчәк. Көндез һава +15...+20 градуска кадәр җылыначак.
Фото: архив/Михаил Захаров
Следите за самым важным и интересным в Telegram-каналеТатмедиа
Нет комментариев