Татарстан синоптиклары томан турында кисәтә

Иртәгә, 16 октябрьдә, төнлә һәм көндез Татарстанда урыны белән, шул исәптән Казанда да, томан төшәчәк. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Татарстан синоптиклары фаразлары нигезендә, төбәктә төнлә һәм иртән бераз яңгыр явачак. Көндез явым-төшем күзәтелми.

Татарстанда чагыштырмача җылы һава торышы көтелә. Төнлә 2 градуска кадәр җылы булачак. Көндез җылылык +9, +14 градуска җитәчәк. 
 

Фото: архив

https://tatar-inform.tatar