Һава торышы
Татарстанда нуль градуска кадәр җылытачак
Синоптиклар кар, юеш кар һәм бозлавык турында кисәтә.
Бүген, 30 гыйнварда, Татарстанда кабат җылыта. Төбәк көнбатыш циклонның җылы секторында була. Бу турыда Татарстан Гидрометеорология үзәге хәбәр итте.
Урыны белән кар һәм юеш кар ява, бозлавык, бераз буран булуы ихтимал. Талгын җил көньяк-көнчыгыштан һәм көньяктан исә.
Көндез һава температурасы 0..-5 градус була. Татарстанның көньяк-көнбатышында җылырак, көнчыгышында салкынрак һава торышы көтелә.
Фото: Рамил Гали
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев