Һава торышы
Татарстанда салкынча яңгырлы һава торышы саклана
Республика буенча көндезге сәгатьләрдә термометр баганалары 13 градустан югарырак күтәрелмәячәк.
Бүген, 20 майда, төньяк-көнбатыштан килгән циклон йогынтысында Татарстанда болытлы һәм дымлы һава торышы күзәтелә. Бу хакта ТР Гидрометеорология үзәге хәбәр итә.
Республикада көндез яңгырлар явачак, урыны белән көчле яңгыр фаразлана. Моннан тыш, кайбер урыннарда көнбатыш һәм төньяк-көнбатыштан уртача җил көчәячәк.
Һава +8, +13 градуска кадәр җылыначак.
Фото: архив/Михаил Захаров
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев