Саба таңнары

ИСКЕ КАЗАНГА СӘЯХӘТ

Ветераннар һәм ин­ва­лидларның шәһәр җирлеге башлангыч оешмалары каршында оешкан Өлкәннәр клубына йөрүчеләрнең соравы буенча, шушы көннәрдә Иске Казанга сәяхәт оештырылды.

Иске Казанның Биектау районы Камай авылында урнашканын күпләребез белми иде әле. Шулай итеп әби-бабаларыбызның иң беренче кайда нигез корганнарын күреп кайту мөмкинлеге туды. Камайда зур гына музей бар. Элекке кардәшләребезнең ничек итеп чүлмәк ясауларын, җитен эшкәртеп сугу җайланмаларын, эш коралларын, киемнәрен, хәтта сугышта капканы җимереп керер өчен хәзерләнгән бүрәнәләргә кадәр күреп шаккаттык. Шул чор акчаларын, бизәнү әйберләрен һәм казылып алынган башка табылдыклар турында әйтеп тә тормыйм. Болар барысы да безне борынгы тарихыбызга, шул чордагы вакыйгаларга "кайтарды". Әйе, ата-бабаларыбыз урынны белеп сайлаганнар, Камай искиткеч гүзәл җирдә урнашкан. Изге чишмәләре дә бар. Кешеләр аның суын эчеп сихәтләнәләр икән, килеп дога кылучылар да бар. Кызганычка каршы, хәзер Камайда мәктәпләр бетерелгән, балаларны машина белән читкә алып барып укыталар.

Сәяхәтебез Арча музеенда дәвам итте. Анда безгә иң ошаганы - кү­бә­ләкләр коллекциясе булды. Нинди генә күбәләкләр юк икән җир йөзендә, әллә барысын да бирегә җыйганнар, диярсең! Кыскасы, бу табигать могҗизасына таң калып, Камайда алган тәэсирләр белән уртаклаша-уртаклаша кайтыр юлга кузгалдык. Бу сәяхәтне оештырып өлкәннәрнең күңелен күргән барлык кешеләргә, Саба муниципаль районы аппарат җитәкчесе Расих Хәсән улы Сабировка ихлас рәхмәтләребезне җиткерәбез.

Фәния Шәмсетдинова,

Саба шәһәр җирлеге ветераннар оешмасы рәисе.

Нравится
Поделиться:
Реклама
Комментарии (0)
  • 6 ноября 2017 в 20:29
    Соревнования по корэш среди мужчин на призы газеты «Саба таннары»
  • 23 октября 2017 в 15:42
    День призывника в Сабинском районе
  • 22 сентября 2017 в 12:09
    Газетабызның 22 СЕНТЯБРЬ санында чыккан белдерүләр Стеновые и перегородочные керамзитовые блоки, канализационные кольцы, перемычки, брусчатка, бордюры, фундаментные блоки. Тел.:8(84364)39-7-42,89274305254. Прицеплар сатыла. Тел.:89173974817. Кыйбат бәядән металлолом җыябыз. Килеп алабыз. «КамАЗ»- манипулятор.Тел.:89274054649, 89272434977. Сатышевская «Стройбаза»: Автоматические ворота, пиломатериалы,...
  • 20 сентября 2017 в 06:41
    Газетабызның 20 СЕНТЯБРЬ санында чыккан белдерүләр Бетон, раствор. Доставка. Тел.:89274299800. Нәселле үгезбозаулар сатабыз. Тел.:89867120699. Откосные материалы в нарезку. Тел.: 89173993893. Сабинские окна Таш, ком, ПГС, вак таш, карер комы, торф. Тел.:89377728345,Эльмир. Бозаулар 1200.Тел.:89393371247. Ит токымлы үгезләр,...
  • 15 сентября 2017 в 16:56
    Игътибар! Эшкә чакырабыз! "Саба таңнары" редакциясенә компьютерны яхшы белүче web редактор чакырыла. Белешмәләр өчен телефон: 2-30-58