Саба таңнары

Караколда туган тел бәйрәме

Кыргызстанның Иссык Күл өлкәсенең Каракол шәһәрендә туган тел һәм халыклар бердәмлеге көнен билгеләп үттеләр. Чарада олылар белән бергә шәһәрдә яшәүче этник төркемнәр балалары да актив катнашты. Бәйрәм өч этапта узды. Иң элек мәктәпләрдә “Туган телем – үз йолдызым” темасына ачык дәресләр үткәрелде. Икенче этапта туган тел турындагы китаплардан, плакатлардан, буклетлардан күргәзмә, “Туган телдә сөйлибез һәм җырлыйбыз” дип исемләнгән видеосюжетлар тәкъдим ителде.

Реклама

Соңыннан туган тел культурасына багышланган фәнни-практик семинар-конференция булды. Балалар зур энтузиазм белән шигырьләр сөйләделәр, җырладылар, биеделәр, милләтләренең традицияләре, гореф-гадәтләре, мәдәнияте турында рефератлар белән чыгыш ясадылар. Бәйрәм чын мәгънәсендә үз максатына иреште.

Хәлим Шакиров, “Татулык” җәмгыяте рәисе урынбасары.

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: