Саба таңнары

Юбилеең белән, мәктәбем!

Башланачак яңа уку елы Юлбат урта мәктәбе коллективы өчен аеруча истәлекле булачак.

Быел авылыбызда башлангыч мәктәп бинасы төзелүгә быел - 80 ел, сигезьеллык (1989 елдан урта мәктәп) мәктәп ачылуга 30 ел тула.

Билгеле, 1932 елга кадәр дә Юлбатта белем биргәннәр. Мәктәп бинасы төзелгәнче 1917 елдан, аерым йортларда балаларны яңача укыту оештырыла башлый. Өлкәннәрнең әйтүенә караганда, авылга килгән беренче укытучы Һарун Гаффаров булган. Ул тумышы белән Олы Шыңар авылыннан. 1924 елда Юлбатка укытырга Тәкәнеш районы (хәзерге Мамадыш районы) Вахит авылыннан Газизә Иманкулова килә. 1932 елда, Төхбәт бай өен күчереп, авылда беренче мәктәп салынгач, бу мәктәптә укытуны да ул башлап җибәрә.

1982 елга кадәр башлангыч мәктәптә Шәмсия Чутаева, Сафия Гаянова, Сәлимә Шляпина, Саҗидә Ракова, Рәшидә Сәгыйтова, Фәния Хаҗиева белем бирә.

1982 елда сигезьеллык мәктәп ачыла. Инде Бу истәлекле вакыйгадан соң да 30 ел вакыт узган. Шушы еллар эчендә Юлбат мәктәбе районның мәгариф системасында үз урынын тапты. 1989 елда урта мәктәп итеп үзгәртелеп, 192 урынга исәпләнгән яңа бинада эшли башлады. Мәктәп директоры Рөстәм Нигъмәтҗанов җитәкчелегендә иҗади эшләүче укытучылар коллективы тупланды. Ныклы белем бирүнең нәтиҗәсе буларак, укучылар фән олимпиадаларында, төрле иҗади бәйгеләрдә югары үрләр яуладылар. Барысы 35 укучы мәктәпне алтын һәм көмеш медальгә тәмамлады, өч укучыбыз фән кандидатлары булдылар.

Укытучыларыбызның намуслы хезмәте дә лаеклы бәяләнде. Венера Хәсән кызы Нигъмәтҗановага "Татарстан мәктәпләренең атказанган укытучысы" дигән исем бирелде. Ике укытучы Халык мәгарифе отличнигы исемен, биш укытучы "Россия Федерациясе мәктәпләренең мактаулы хезмәткәре" күкрәк билгесе алды, өч укытучы министрлыкның Мактау грамотасы бүләкләнде. Бер укытучыбыз "Өстенлекле илкүләм "Мәгариф" проекты" конкурсында җиңеп грант алды һәм "Россия Федерациясенең иң яхшы укытучысы" исеменә лаек булды.

Мәктәбебез бүген дә ышанычлы адымнар белән алга атлый, юбилейларны лаеклы каршыларга әзерләнә.

Илдар Сафин,

тарих укытучысы.

Фотода: 1982 елның 1 сентябрендә Юлбатта сигезьеллык мәктәп ачу тантанасы күренеше.

Нравится
Поделиться:
Реклама
Комментарии (0)
  • 6 ноября 2017 в 20:29
    Соревнования по корэш среди мужчин на призы газеты «Саба таннары»
  • 23 октября 2017 в 15:42
    День призывника в Сабинском районе
  • 22 сентября 2017 в 12:09
    Газетабызның 22 СЕНТЯБРЬ санында чыккан белдерүләр Стеновые и перегородочные керамзитовые блоки, канализационные кольцы, перемычки, брусчатка, бордюры, фундаментные блоки. Тел.:8(84364)39-7-42,89274305254. Прицеплар сатыла. Тел.:89173974817. Кыйбат бәядән металлолом җыябыз. Килеп алабыз. «КамАЗ»- манипулятор.Тел.:89274054649, 89272434977. Сатышевская «Стройбаза»: Автоматические ворота, пиломатериалы,...
  • 20 сентября 2017 в 06:41
    Газетабызның 20 СЕНТЯБРЬ санында чыккан белдерүләр Бетон, раствор. Доставка. Тел.:89274299800. Нәселле үгезбозаулар сатабыз. Тел.:89867120699. Откосные материалы в нарезку. Тел.: 89173993893. Сабинские окна Таш, ком, ПГС, вак таш, карер комы, торф. Тел.:89377728345,Эльмир. Бозаулар 1200.Тел.:89393371247. Ит токымлы үгезләр,...
  • 15 сентября 2017 в 16:56
    Игътибар! Эшкә чакырабыз! "Саба таңнары" редакциясенә компьютерны яхшы белүче web редактор чакырыла. Белешмәләр өчен телефон: 2-30-58