Чыгымлы да, күңелле дә син, август!
Яңа уку елы башланырга санаулы көннәр генә калып бара. Бу араларда әти-әниләр балаларын мәктәпкә әзерләү кебек күңелле мәшәкатьләр белән яши. Моның өчен зур гына чыгымнар да кирәк. Гаиләләрдә 1 сентябрьгә әзерлек эшләре ничек бара, әти-әниләрне кибетләрдәге бәяләр куркытмыймы? Шулар хакында кызыксынып, балалар кием-салымнары, уку әсбаплары белән сату итүче берничә сәүдә ноктасында булдык.
