Фирдүс Тямаев: «Мин аның өчен оялмыйм, хурланмыйм»
Татарстанның атказанган артисты Фирдүс Тямаев Чаллының 54 нче гимназиясендә булып кайтты. Ул биредә дә үзенең милли җанлылыгы белән укучыларда һәм гимназия хезмәткәрләрендә соклану хисе уятты.
«Мин татар мәктәбендә укыдым, бүгенге көндә дә урысча сөйләшә белмим, бу — минем проблема, бер яктан. Ә икенчедән, мин бәхетле. Нинди генә шәһәргә барсам да, рәхәтләнеп урамда татарча сөйләшеп йөрим. Мин аның өчен оялмыйм, хурланмыйм. Минем үз телем өчен беркайчан да битем кызармый. Кеше, нинди генә миләттән булмасын, һәрберсе үзенең ана телендә сөйләшә белергә тиеш. Үз телендә сөйләшмәгән кеше — бәхетсез кеше», ди Фирдүс Тямаев үзенең гимназия укучылары алдындагы чыгышында.
Фото: скриншот инстаграм
Чыганак: tatar-today.ru
Следите за самым важным и интересным в Telegram-каналеТатмедиа
Нет комментариев