Зөлфәт Зиннуровның өченче альбомы чыкты

Зөлфәт Зиннуров өченче альбомын тәкъдим итте. Яңа альбом «Мин яратмыйм» дип атала. Анда җырчы башкаруында элекке һәм яңа 22 җыр кергән.

«Өченче альбом дөнья күрде. 22 җыр җыелган, сөбханалла! Барлык музыкаль мәйданнарда. Рәхим итеп тыңлагыз. Сезнең фикерләрне көтеп калам. Кайсы җыр ошады/ошамады, ни өчен? Рәхмәт», — дип язган ул үз сәхифәсендә.

Инстачылар Зөлфәтнең җырларын яратып тыңлаулары турында язган: «Сезнең башкаруда жырларыгыз барысы да мәгънәле, күңелгә ятышлы».

Җырчы альбомдагы җырларның исемлеген дә тәкъдим иткән.

Чыганак: intertat.tatar