33 яшьлек әлмәтленең изоляторда гомере өзелгән
Төзәтү колониясе хезмәткәрләре штраф изоляторында тотылучы 33 яшьлек ирнең мәетенә тап булган.
33 яшьлек әлмәтленең изоляторда гомере өзелгән, дип яза район газетасы.
Изоляторда ялгызы гына булган 33 яшьлек әлмәтле Валерий Дергачев үз-үзенә кул салган. 4 март көнне куртка җиңе белән тәрәзә рәшәткәсенә асылынган. Бу хәл Түбән Каманың 1 нче дәвалау-төзәтү учреждениесендә була. ШИЗО камерасына ул шушы көнне генә күчерелгән булган. 10 сәгать 53 минутта аны асылынып торган хәлдә күреп алалар. Үлемнең сәбәбе - механик асфиксия. Ир үләр алдыннан язу калдырмаган. Бирегә ул 27 февральдә Әлмәттән китерелгән булган. 23 гыйнварда аны Әлмәт шәһәр суды наркотикларның законсыз әйләнешендә гаепле дип табып, 1 елга ирегеннән мәхрүм иткән булган. Үз-үзенә кул салу факты буенча тикшерү бара.
Следите за самым важным и интересным в Telegram-каналеТатмедиа
Нет комментариев