Әтнә районында булган авариядә өч кеше, шул исәптән 5 яшьлек баланың гомере өзелгән
Кичә кичке уннар тирәсендә Татарстанның Әтнә районы Олы Мәңгәр һәм Иске Мәңгәр авыллары арасындагы автомобиль юлында берничә кешенең үлеменә китергән юл-транспорт һәлакәте булган.
Ачыкланганча, биредә ике олы кеше һәм бер бала утырган Лада Гранта автомобиле тагылма составындагы трактор белән бәрелешкән.
Нәтиҗәдә, җиңел автомобильнең йөртүчесе һәм пассажиры шунда ук һәлак булган. 5 яшьлек бала алган җәрәхәтләрдән медицина учреждениесендә үлгән. Бу хакта ТР буенча Эчке эшләр министрлыгының матбугат хезмәте хәбәр итә.
Хәзер авариянең сәбәпләрен ачыклыйлар, дип искәрттеләр республика Дәүләт автоинспекциясендә.
Тулырак: https://tatar-inform.tatar/news/atna-raionynda-bulgan-avariyada-oc-kese-sul-isaptan-5-yaslek-balanyn-gomere-ozelgan-5874652
Фото Татарстан Дәүләт автоинспекциясенең телеграм каналыннан алынды
Следите за самым важным и интересным в Telegram-каналеТатмедиа
Нет комментариев