Саба таңнары

Диплом алырга барганда юл-транспорт һәлакәтенә очраган дүрт егетнең 2се авыр хәлдә

Чаллы промзонасында – двигательләр заводы каршында — куркыныч юл-транспорт һәлакәтендә Виктор Поташев исемендәге техник көллиятне тәмамлаучылар зыян күргән. Дүрт егет диплом алу тантанасына бара торган була, дип яза «Челнинские известия».

Юл-транспорт һәлакәте Моторная урамында була. Тимер заводы ягына таба хәрәкәт иткән ВАЗ 2112 автомобиле МАЗ йөк машинасына бәрелә. Бик көчле бәрелеш була — машинаның алгы өлешен яртылаш юкка чыга, ул зур йөк машинасы астында кала. Алдагы утыргычтагы пассажир һәм машина йөртүче кысылып кала.

Авариядә катнашучылар авария хәленең ни рәвешле барлыкка килүе турында фикер белдерделәр. Йөк машинасы уң як полосадан борыла башлаган, бу вакытта сулдан җиңелчә киткән.

Яшьләрне Автошәһәрнең ашыгыч медицина ярдәме хастаханәсенең травматология бүлегенә урнаштырганнар.

— Икесе авыр хәлдә, икесе урта дәрәҗәдәге тән җәрәхәтләре алган. Зыян күрүчеләрнең берсе госпитализациядән баш тартты. Пациентларга кирәкле ярдәм күрсәтелә, — дип хәбәр итә шәһәр сәламәтлек саклау идарәсе матбугат хезмәте.

 

 

Без социаль челтәрләрдә: ТелеграмВКонтактеТикТок, ЮтубОдноклассникиТвиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: