Карт бабайны үз улы кыйнаган һәм тереләй килеш җиргә күмеп куйган

Суд бу кешегә карата хөкем карары чыгарган. 

Тикшерү вакытында ачыкланганча, 2021 елның 13 февралендә Омск өлкәсенең Озерка авылында бу ир-ат атасын үтерергә карар кыла. Әти кеше улын даими рәвештә кимсетеп, мыскыл итеп торган. Шуңа күрә улы атасын төртеп ега, аннары чүкеч белән башына бәрә.

Аннары улы атасының гәүдәсен җәймәгә төрә, урамга алып чыга. Урамда таяк алып атасының башына тагын суга. 56 яшьлек ир-ат чокыр казый, атасының гәүдәсен шунда ыргыта һәм күмеп куя. Бу вакытта бабай исән була.

Җинаять кылганнан соң бу ир-ат туганнарына китеп бара, әтисен үлде һәм аны җирләргә туры килде дип сөйли.

Тикшерү ачыклаганча, карт ир-ат җир астында киемсез килеш ятканда организмы туңудан үлгән. 

Атасын үтергән ир-атны 10 елга каты режимлы колониягә озатканнар.

Чыганак : https://intertat.tatar