Казанда авариядә 19 яшьлек егет һәм 21 яшьлек кыз һәлак булган

«Татар-информ»  Казанның Танковая урамында 19 яшьлек егет һәм 21 яшьлек кыз үлеменә  китергән куркыныч авария урыныннан фотолар урнаштырды. Кадрлардан күренгәнчә, "Лада" җиңел машинасы баганага яны белән килеп бәрелгән һәм  урталайга диярлек аерылган.   Һәлакәт урынына коткаручыларны чакыртырга туры килгән, алар машинада бикләнеп  калган кешеләрне чыгарганнар.   Элегрәк «Татар-информ» хәбәр иткәнчә, машинада тагын ике пассажир булган, хәзер алар хастаханәдә.

Чыганак : https://www.tatpressa.ru/news/356926.html