Казанда автоинспекторлар тонировкалы автомобильләрне туктата
Юл-патруль хезмәте инспекторлары аеруча автомобильләрнең алгы ян тәрәзәләре тонировкасына игътибар итә.
Казанда Дәүләт автоинспекциясе хезмәткәрләре тонировкалы автомобильләрне туктата.
Тәрәзәләре караңгылатылган автомобильләр белән идарә итүчеләрне ачыклау өчен Казанның 16 урынында махсус рейд оештырылды.
Юл-патруль хезмәте инспекторлары моңа кадәр дә автомобильнең алгы ян тәрәзәсен тонировкалаган өчен штрафка тартылган йөртүчеләрне аеруча җентекләп тикшерәчәк. Аларга карата административ беркетмәләр төзеләчәк.
Әгәр машина йөртүчене бу төр хокук бозган өчен ел дәвамында икенче тапкыр туктаталар икән, аны 15 тәүлеккә ирегеннән мәхрүм итәргә мөмкиннәр.
Фото: Регина Шәфиева
Следите за самым важным и интересным в Telegram-каналеТатмедиа
Нет комментариев