Казанда янгында олы яшьтәге кеше зыян күргән

Бүген Казанда ике бүлмәле фатирда янгын чыккан. Чапаев урамындагы 43 нче йортта олы яштәге ир-ат зыян күрде, дип хәбәр итә ТР Гадәттән тыш хәлләр министрлыгы матбугат хезмәте "Татар-информ" агентлыгына.

Авиатөзелеш районында булган әлге янгында ике квадрат метр мәйданда йорт җиһазлары янган. Нәтиҗәдә 82 яшьлек хуҗага ис тигән. Аны хастаханәгә озатканнар.

Якынча версия буенча, янгын ут белән саксыз файдалану нәтиҗәсендә килеп чыккан.

Фото: Салават Камалетдинов

http://tatar-inform.tatar