Казанның “Тандем” сәүдә үзәгеннән 100 кешене эвакуацияләгәннәр

Кичә Казанның “Тандем” сәүдә үзәгеннән кешеләрне эвакуацияләгәннәр. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

23.53 сәгатьтә ашыгыч хезмәтләрнең 112 бердәм номерына “Тандем” сәүдә үзәгендәге “Сэко” ресторанында төтен чыгуы турында хәбәр иткәннәр.

Чакыру буенча Казан янгын сүндерү-коткару гарнизоны барган. Ресторанда май катламы төтенли башлаган, сәүдә үзәге персоналы үзләре сүндерә алгән.

Төтен чыгу аркасында рестораннан 16 кешене, ә сүдә үзәгеннән барлыгы 100 кешене эвакуацияләгәннәр. Зыян күрүчеләр юк.

Фото: ГУ МЧС России по РТ

https://tatar-inform.tatar