Кемерово өлкәсендә өч көнлек матәм игълан ителде

Кемерово өлкәсендә, “Зимняя вишня” сәүдә комплексында фаҗига булу сәбәпле, өч көнлек матәм игълан ителде, дип хәбәр итә РИА “Новости”.

Алдан “Татар-информ” Кемерово өлкәсендә “Кышкы чия” сәүдә комплексында чыккан янгында кимендә 64 кеше һәлак булуын, аларның күбесе балалар икәнлеген хәбәр иткән иде. Тагын 44 кеше төрле дәрәҗәдәге җәрәхәтләр алган.

Кемерово өлкәсе губернаторы 27, 28 һәм 29 март көннәрен төбәктә матәм көннәре итеп игълан итте. Дәүләт учреждениеләрендә әләмнәр төшереләчәк, мәдәни-күңел ачу чаралары булмаячак.

Фото: соцсети

http://tatar-inform.tatar