Мәскәү янында 40лап машина бәрелешкән

автор, 15 гыйнвар 2018 - 17:52

1282

Күпләп машина бәрелешкән юл-транспорт һәлакәте “Подольскны көньяктан әйләнеп узу” автомобиль юлында килеп чыккан.

Мәскәү янында “Подольскны көньяктан әйләнеп узу” автомобиль юлында 40лап машина бәрелешкән, дип яза “Газета.ру”.

Симферополь шоссесын көньяктан әйләнеп узганда машина койма барьерына эләккән, аннан соң килгән машина алдагысына бәрелгән. Машина йөртүчеләр “чылбыр” рәвешендә бер-берсенә килеп бәрелгәннәр. Юл-транспорт һәлакәтенә барлыгы 40лап машина - җиңел машиналар да, фуралар да юлыккан.