Саба таңнары

Сабинский район

18+
Хәвеф-хәтәр

Саба районында 78 яшьлек ир-ат янып киткән йортыннан котыла алган

Янгын турында кисәтүче сигнал йорт хуҗасының гомерен коткарып калган.

Саба районында 78 яшьлек ир-ат янып киткән йортыннан котыла алган

Фото: Россия Гадәттән тыш хәлләр министрлыгының ТР буенча баш идарәсе

Саба районы Тимершык авылында төнлә шәхси йортта янгын чыккан. Янгын турында кисәтүче сигнал йорт хуҗасының гомерен коткарып калган.

Россия Гадәттән тыш хәлләр министрлыгының ТР буенча баш идарәсе хәбәр иткәнчә, янгын Ленин урамы, 11 йорт адресында була. Бер катлы агач йортта ут чыккан. Янгын сүндерүчеләр 36 квадрат метр мәйданда янгынны сүндергән.

Ут чыгуы турында хәбәр итүче җиһаз биргән сигналны ишетеп, 78 яшьлек ир-ат өйдән чыгып котыла алган. Бәхеткә, зыян күрмәгән.

«2019 елда Татарстан Рәисенең берүзе яшәүче карт кешеләр йортына янгын турында хәбәр итүче җиһазлар кую программасы тормышка ашырылды, бу үзенең нәтиҗәсен бирә», – дип билгеләп үттеләр МЧС хезмәтендә.

Беренчел мәгълуматка караганда, янгын чыгуның сәбәбе - мичләрнең корылышы һәм алардан файдалану кагыйдәләрен бозу.

Тулырак: https://tatar-inform.tatar/news/saba-raionynda-78-yaslek-ir-at-yanyp-kitkan-iortynnan-kotyla-algan-5902443

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев