Шешәдәшенә пычак күтәргән

 Ул  вакытта  кизү торган хирург   аның ботында ике  урында пычак белән  чәнчүдән барлыкка  килгән   яра барлыгын  ачыклый. Бу хакта шунда  ук полициягә   хәбәр ителә. Яраны тегәргә туры  килә һәм зыян  күрүче амбулатор дәвалануга  өенә  кайтарып  җибәрелә. Тикшерүчеләр кеше  сәламәтлегенә авыр булмаган зыян  салучыны тиз ачыклый. Ул кеше үтергәне өчен 15 елдан артык гомерен кырыс режимлы колониядә үткәргән  һәм 2021 елда  иреккә  җибәрелгән А.В.Кутузов булып  чыга.  Бу  юлы ул җинаять җаваплылыгына РФ Җинаять  кодексының 115нче  статьясы  2нче бүлеге “в” пункты нигезендә тартыла. Тикшерү  ачыклаганча, А.Кутузов, зыян  күрүче һәм тагын бер ир-ат судка билгеле адрес буенча урнашкан  йортта төн уртасында спиртлы эчемлекләр куллана. Шуннан  соң А.Кутузов белән зыян күрүче арасында бәхәс килеп  чыга. Сүз  көрәштерү  вакытында  кызып  киткән А.Кутузов өйалдына тәмәке тартырга  чыккан шешәдәшенә кухня  пычагы белән чәнчи. Аның җинаятьчел гамәле шаһит күрсәтмәсе һәм башка дәлилләр белән раслана. Судта ул үзенең гаебен таныды һәм зыян күрүчедән гафу үтенде. Җәза билгеләгәндә җинаять  җаваплылыгын  авыртайта һәм җиңеләйтә торган барлык  шартларны, шулай ук А. Кутузовның сәламәтлеген исәпкә алып, җәмәгать судьясы аңа  карата 1 елга ирегеннән мәхрүм итү турында хөкем карары чыгарды. РФ Җинаять процессуаль кодексының 53.1 статьясын кулланып, әлеге җәза хезмәт хакының  10 процентын  дәүләт файдасына тотып калу юлы белән бер  ел  мәҗбүри эш­кә алыштырылды. Хөкем карары закон  көченә керде.  

Р.Вахитова,

Саба районы 2 нче  суд

участогы судья ярдәмчесе.