Татарстанда 14 яшүсмер үз-үзенә кул салган

2022нче елның сигез ае эчендә Татарстанда 14 яшүсмер үз-үзенә кул салган, тагын 60 бала суицидка омтылган. ТР Премьер-министры урынбасары Ләйлә Фазлыева сүзләренчә, 14 яшүсмернең 13е имин гаиләдә үскән, берсе генә социаль куркыныч гаиләдән булган. Өч яшүсмер профилактик исәптә торган. Тукай, Түбән Кама, Лениногорск районнарына, Чаллыга шушы фаҗигале очраклар буенча кисәтүләр ясалган.