Татарстанда баганага бәрелгән машина йөртүчесе һәм пассажир хастаханәгә эләккән

Татарстанда номерсыз «Лифан» машинасы баганага бәрелгән. Пассажир һәм машина йөртүче хастаханәгә озатылган. Бу хакта «Татар-информ»га юл-транспорт һәлакәте шаһитлары хәбәр итте.

«Кичен Актүбәдә номерлары булмаган «Лифан» машинасында ике егет Лесная һәм Ленинград урамнары киселешендәге баганага бәрелгән. Егетләр исерек булган», - дип уртаклашты агентлык белән шаһитлар.

Җиңел машинаның йөртүчесе һәм пассажиры төрле тән җәрәхәте алган һәм Әлмәт хастаханәсенә китерелгән.

Фото: Очевидцы

tatar-inform.tatar