Татарстанда ир-ат "Камаз" кузовыннан егылып, прицеп тәгәрмәче астында калган

Татарстанда ир-ат "Камаз" кузовыннан егылып төшеп, прицеп тәгәрмәче астында калган һәм һәлак булган. Бу турыда "Татар-информ"га Татарстан буенча Эчке эшләр министрлыгы матбугат хезмәтендә хәбәр иттеләр. 

Авария кичә Лениногорск районында Ромашкино-Куакбаш-Керкәле юлының 39нчы чакырымында булган.

Башлангыч мәгълүматлар буенча, 47 яшьлек ир-ат "Камаз" машинасының ябык кузовында барган. Машина барган килеш, пассажир кузов ишеген ачкан һәм егылып төшеп, прицеп тәгәрмәче астында калган. Аның ни сәбәпле шулай эшләгәне әлегә билгеле түгел.

Прицепка тапталган ир-ат җитди имгәнеп, һәлак булган. 

Фото:архив/Рамиль Гали

https://tatar-inform.tatar