Татарстанда юл һәлакәтендә шофер һәм пассажир һәлак булган
Кичә кич белән Норлат - Акъегет юлында үлем очрагы белән һәлакәт теркәлгән.
Татарстанда «КИА» машинасы тракторга барып бәрелгәннән соң «Камаз» белән капма-каршы бәрелешә. Чит ил машинасы йөртүчесе һәм пассажиры һәлак була. Бу хакта «Татар-информ»га Татарстан буенча Эчке эшләр министрлыгы матбугат хезмәтендә хәбәр иттеләр.
«Кичә 20.00 сәгатьтә Нурлат - Акъегет автомобиль юлында «КИА» автомобиленең 55 яшьлек йөртүчесе тизлекне һәм дистанцияне дөрес сайламаган. Нәтиҗәдә трактор белән бәрелешкән», – диделәр ведомствоның матбугат хезмәтендә.
Җиңел машина трактор белән каты бәрелешүдән соң «КАМАЗ» йөк машинасына капма-каршы барып бәрелә.
Корея автомобиль йөртүчесе һәм 59 яшьлек пассажир һәлак була.
Фото: МВД по РТ
Следите за самым важным и интересным в Telegram-каналеТатмедиа
Нет комментариев