Саба таңнары

Теләчәдә яшәүче гаилә янгын турында хәбәр итә торган сигнал ярдәмендә исән калган

Йортта сигнал бирә торган прибор Татарстан Президентының социаль программасы буенча республика бюджеты хисабына куелган.

Кичә кич Теләчедә Пушкин урамында йорт янган. Бу хакта янгын сагының 101 номерына 18.47 сәгатьтә хәбәр иткәннәр.

«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, янгын сүндерүчеләр йортта хәбәр итә торган сигнал эшләвен ачыклаган. Нәтиҗәдә ир белән хатын һәм бабай янгын чыккан йорттан чыгып өлгергән.

Янгын сүндерүчеләр берничә минуттан 48 кв метр мәйдандагы янгынны сүндергән. Янгын чыгу сәбәбен ачыклыйлар.

Йортка сигнал бирә торган прибор Татарстан Президентының социаль программасы буенча республика бюджеты хисабына куелган. 

Фото: instagram.com/mchstatarstan

Чыганак: tatar-inform.tatar

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: