Узган тәүлектә яңгыр яву сәбәпле, Татарстан елгаларында су күтәрелгән

Узган тәүлектә яңгыр яву сәбәпле, Татарстан елгаларында су күтәрелгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Республика елгаларында су 3тән 38 сантиметрга кадәр күтәрелгән. Ә Шушма елгасында су күтәрелү 79 сантиметрга кадәр җиткән.

Арча районының Качелино авылына баручы 30 метр грунтлы юл һаман су астында кала. Азнакай һәм Нурлат районнарындагы күперләр дә һаман су астында.

Тулаем алганда, Татарстанда язгы ташу дулкыны кимүгә бара. 

Фото: https://pixabay.com | lukasbieri

http://tatar-inform.tatar