Саба таңнары
  • Тат Лат
  • “Җиңү поезды“ килде әйләнеп [фоторепортаж]

    4 майда шәмәрдәнлеләр тантаналы шартларда Горький тимер юлла­рының "Җиңү поезды"н каршы алдылар. Бөек Җиңүнең 70 еллыгы якынлашкан 2-8май көн­нәрендә әлеге поезд бө­тен Горький тимер юллары магистрале буйлап узачак.

    "Җиңү поезды" һәм аның мөхтәрәм пассажирлары-тимер юл ветераннарын Саба сәнгать мәктәбенең Шәмәрдән филиалы тынлы оркестры һәм милли киемле гүзәл кызларыбыз чәк-чәк белән каршы алдылар. Исән-сау килеп җитүен хәбәр иткән паровоз тавышыннан дәһшәтле сугышның бар ачысын үз иңнәрендә күтәргән өлкән яшьтәгеләр күз яшьләрен тыя алмады. Бу тавышта сугыш афәтенең бар сагышы, михнәте чагыла иде кебек. Бәйрәм митингында катнашучыларны Саба муниципаль район башлыгы Рәис Миңнеханов сәламләп, Бөек Җиңүнең 70 еллыгы белән тәбрикләде.

    - "Җиңү поезды"н районыбызда каршылый алуыбыз безнең өчен зур дәрәҗә. Райондашларыбыз сугышта да, тылда да Бөек Җиңү өчен үзләреннән зур өлеш кертәләр. Ир-егетләр белән беррәттән, хатын-кызларыбыз Шәмәрдән станциясе аша узучы поездларны урманнар кисеп, утын белән тәэмин итеп торганнар. Зур батырлык үрнәкләре күрсәткәннәр. Моннан соң илләребез күге тыныч булсын. Тыныч тормышта, дус, бердәм булып яшәргә язсын. Горький тимер юллары җитәкчелегенә әлеге истәлекле, тарихи яктан әһәмиятле чараны оештыруларына зур рәхмәтемне белдерәм", - диде район башлыгы.

    Мондый тантананы күреп калырга теләүчеләр күп­ле­геннән Шәмәрдән стан­­­циясе сабантуйны хә­­тер­ләтте. Бәйрәмчә бизәлгән поездны тартып баручы ташкүмер белән хәрәкәтләнүче паровозны халык уратып алды. Поезд составында сугыш чоры техникасы, тимерьюлчыларның батырлыгына багышланган музей-вагон, шулай ук кыр кухнясы урнашкан вагонны да күрергә мөмкин иде. 8000 кешегә җитәрлек итеп пешерелгән итле карабодай боткасыннан райондашларыбыз да авыз иттеләр.

    Реклама

    Тулырак язманы "Саба таңнары" газетасында укый аласыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: